Соработката помеѓу Серхио Агуеро и Барселона не започна добро. Од идиличното, поради доаѓање како слободен играч во клубот каде првата sвезда му е кум, до кошмарно поради заминувањето на Лео Меси, а потоа и повредата.
Дури е напишано дека поранешниот напаѓач на Манчестер Сити побарал од своите адвокати да најдат начин да го раскинат договорот по само два месеци од потпишувањето, но тој го негираше тоа. Додуша во една реченица, во изјава дадена од автомобил.
И покрај фактот дека тој рече дека ќе остане цела година (договор потпишан за две), навивачите на Барселона ќе треба да ги чекаат настапите на аргентинскиот голгетер во дресот на нивниот клуб. Според првите информации. Агуеро ќе паузира десет недели од тренинзите поради повреда на тетивата на десната нога, до средината на ноември.
Оваа вест ја објави каталонски „Спорт“, добро информиран за настаните во Барселона, додека во официјалното соопштение на клубот само се вели дека се очекуваат резултатите од деталните лекарски прегледи.
Доколку Аргентинецот навистина не игра до ноември, тоа ќе биде значаен удар за Каталонците во натпреварите во кои е фатен моментумот во шампионската трка во Примера, но и во борбите за осминафиналето во Лигата на шампионите.
Подолг период, Барселона ќе остане без Усман Дембеле, додека се чекаат анализи за повредата на коленото на Клемен Ленгле, но има и позитивни вести од клиниката откако Ансу Фати се врати на тренинзите, одделно од тимот, а Роналд Куман може да смета на Фелипе Кутињо повторно.
Каталонците ја започнуваат новата сезона со дуел со Реал Сосиедад во недела во 20 часот.