Бензема: Заминувањето на Роналдо од Реал ми помогна

од Vladimir Zorba

Карим Бензема повторно одигра одлична партија во финалето на Суперкупот на Европа, постигнувајќи гол во победата на Реал Мадрид над Ајнтрахт Франкфурт (2:0).

Ова беше 324. гол на Французинот за Мадрид и сега е на второто место на листата на најдобри стрелци на шпанскиот клуб, само зад Кристијано Роналдо (450).

„За мене се стана поинаку откако Кристијано Роналдо го напушти Реал. Точно е дека постигнав многу повеќе голови, но кога тој беше тука, имавме поинаков стил на игра, повеќе асистирав. Тој навистина ми помогна на теренот и надвор од него. Но, тогаш знаев дека можам многу повеќе и кога тој замина, време беше да ја сменам играта, да ги сменам амбициите и во моментов добро ми оди“, изјави Бензема.

Реал новата сезона во Ла Лига ќе ја започне в недела од 10 часот со гостување кај Алмерија.

Слични содржини