459
Во своето гостување во 24 анализа, градоначалникот на општина Центар, Саша Богдановиќ уште еднаш повтори дека во доменот на надлежностите сите мерки се преземени и употребени сите правни механизми.
„Не е невозможно да се стопира еден ваков проект и тоа го докажавме на Советот каде докажавме дека параметрите не се усогласени со ДУП-от. Но, донесовме нова одлука со ризик, каде се повикавме на начинот на спроведување на ДУП-от. Сепак двајца Охриѓани ни ја попречи постапката во Уставниот суд, и ни посочија дека не смееме да промениме и донесеме понатаму било каква одлука. Јас исто така, кажав аман да се покрене оваа работа, и сакам сите институции да си ја вршат својата обврска“, истакна Богдановиќ.