Борел: Потребен е итен прекин на огнот во Газа

Високиот претставник на Европската унија за надворешна политика и безбедност, Жосеп Борел, денеска изјави дека е неопходен итен прекин на огнот во Појасот Газа.

-Израелската копнена офанзива во центарот на Газа продолжува да резултира со големи жртви и покрај обврската на израелската армија да ги заштити цивилите, напиша Борел на социјалната мрежа „Х“.

Тој изјави дека бомбардирањето на бегалскиот камп Магази е едно од најсмртоносните, додавајќи дека е регистрирано раселување на уште 150 илјади луѓе.