Бродвеј потона во тага: Почина актерот, режисер и драматург Сем Шепард

Номинираниот за Оскар актер, режисер и драматург Сем Шепард почина на 73 години, соопштува dailymail.co.uk. Легендата на Бродвеј починал во неделата во својот дом во Кентаки.

Неговата смрт доаѓа по долга битка со болеста на Лу Гериг. Шепард доби Пулицерова награда за драма во 1979 година и е автор на 44 драми, како и неколку книги со раскази, сеќавања и есеи. Тој беше номиниран за Оскар за најдобар актер за споредна улога во 1983 година во “Вистински нешта” за улогата на пилот Чак Јегр.