Бројот на жртви од земјотресот на Хаити се искачи на 2.189

Бројот на жртвите од земјотресот со јачина од 7,2 степени кој го погоди Хаити во саботата се искачи на 2.189, соопштија локалните власти за цивилна заштита.

Поплавите и обилните дождови изминатите неколку дена ги прекинаа напорите на спасувачките служби да трагаат по преживеани од земјотресот и да им помогнат на оние што останаа без покрив над главата или без храна и вода.

Премиерот на Хаити Ариел Анри прогласи вонредна состојба во траење од 30 дена по земјотресот во саботата.

Повеќе од 1,3 милиони луѓе останаа без покрив над главата.