Целосно изгоре автомобил во центарот на Скопје

Синоќа во пожар целосно изгоре автомобил „опел астра“ со скопски регистарски ознаки. Немилиот настан се случил на булеварот „Кочо Рацин“ кај основното училиште „Димитар Миладинов“ во центарот на Скопје.

-Полициски службеници излегле на местото на настанот при што е констатирано дека лицето Т.С. (21), додека го управувал моторното возило „опел астра“, од под хаубата почнало да излегува чад, а потоа за кратко време возилото целосно изгорело, информираа од МВР.

Освен материјална штета, нема информации за евентуални повредени.

Пожарот е локализиран од Територијалната противпожарна бригада на Град Скопје (БППЗ).