Четири новозаразени со коронавирус во Хрватска, вкупно 31

Имаме четири нови пациенти, рече хрватскиот министер за здравство Вили Берош на прес-конференција на Национален кризен штаб.

Двајца се од Пула и двајца во Загреб. Вкупно 31 лице е заразено во Хрватска.

Во светски рамки, 134.803 луѓе се заразени со коронавирус.

Скоро 5.000 починаа, а над 70.000 беа излекувани.

Во Италија повеќе од 15.000 луѓе се разболеле, 1.016 умреле и 1.258 се опоравиле.