121
Поп пејачката Дани Миног планира да го лансира својот прв сингл од две години уште следниот месец. 
Се очекува ѕвездата, што е всушност помалата сестра на поп дивата Кајли Миног, да го претстави своето ново парче на забавата по повод 40-годишнината на нејзината поранешна издавачка куќа “Централ стејшен рекордс” на 11 август.
Таблоидите дури успеаја однапред “да душнат” дека 44-годишната Австралијка обединувала сили со сонародничката Сиа и новата песна ќе има модерен, електро-поп звук.
Помладата Миног нема издадено нов албум 10 години. Единствено во 2015 година таа го пушти синглот Summer of love, но потоа повторно потона во тишина.