Поради се погласните гласини за неуспехот на руската армија во Украина, независната руска истражувачка станица „Медуза“ објави извештај за наводното разочарување на елитата во раководството на Владимир Путин, поради што се размислува за негови потенцијални заменици.
„Медуза“ цитира извори за кои вели дека се блиски до Кремљ, тврдејќи дека „има растечко незадоволство од претседателот Путин меѓу оние за и против војната“. Оние кои досега ја поддржуваа инвазијата, наводно, се незадоволни од недостатокот на напредок и повикуваат на „построг“ пристап.
„Медуза“ наведува дека многу високи бизнисмени и членови на владата се незадоволни од тоа што Путин ја започнал војната без да размислува за последиците што ќе ги имаат западните санкции врз земјата.
Извори блиски до администрацијата на Путин велат дека „се повеќе се разговара за иднината на земјата без Путин“, а разговорите за потенцијалните наследници се водат зад сцената во Кремљ.
Sergei Fadeichev / TASS / Profimedia; governors.ru / WillWest News / Profimedia; Yekaterina Shtukina / TASS / Profimedia
Можни наследници
Се сугерира дека како потенцијални наследници се споменуваат градоначалникот на Москва Сергеј Собјанин, истакнатиот сојузник на Путин и поранешен претседател Дмитриј Медведев и првиот заменик началник на Генералштабот Сергеј Кириенко.
Во извештајот се тврди дека нема планови за соборување на претседателот или заговор, но „постои желба Путин повеќе да не биде шеф на државата во догледна иднина“.
„Претседателот ја влоши состојбата, но сè може да се поправи, некако да се дојде до договор со Западот и Украина“, изјавил еден соговорник за „Медуза“.
Сепак, истражувачката станива додава дека нејзините извори нагласуваат дека „сите на власт разбираат дека Путин може да си замине само ако сериозно му се влоши здравјето“, што значи дека сегашното „незадоволство на високите функционери не се одразува во ништо освен во меѓусебните разговори“.