Федерер брка 1/4-финале во Мајами, за да остане бр.1 во светот

Швајцарецот Роџер Федерер има потреба од пласман во четвртфиналето на „Мастерс“ турнирот во Мајами, за да го задржи првото место во следното рангирање на 2 април.

Турнирот со награден фонд од речиси 8 милиони долари почнува ноќеска со квалификациите.

Ставениот под број 1 Федерер, кој ја брани титулата од минатата сезона, започнува директно од вториот круг, во кој ќе се соочи со квалификант. Тој треба да постигне барем три победи во Мајами, што практично ќе му го обезбеди првото место на листата на АТП до крајот на сезоната на земја во јуни.

Федерер е трикратен шампион на турнирот во 2005, 2006 и 2017 година.