Франција повторно ги менува правилата околу ковид-пропусниците и можноста за влез во нивната земја, соопштува „Л’Екип“.
Се ближи февруари, а никој не знае дали ќе може да го гледа Новак Ѓоковиќ како ја брани титулата во Париз на Ролан Гарос.
Франција неодамна воведе правило според кое невакцинираните спортисти нема да можат да бараат ослободување за учество на турнири, а потоа пристигна информација дека Ѓоковиќ и невакцинираните сепак можат да играат, под услов мерките да го дозволат тоа пред крајот на пролетта.
Французите дотогаш не беа сигурни што може да се промени, а потоа пристигнаа нови информации.
Новак беше позитивен на коронавирус во средината на декември, но ќе се гледа на сличен начин како во Австралија според новите правила од Франција.
Имено, од средината на февруари ќе стапи на сила протокол според кој заразените со коронавирусот нема да останат невакцинирани уште најмалку шест месеци бидејќи имаат антитела.
Наместо тоа, тој период е скратен на четири месеци, што значи дека, според „Л’Екип“, Ѓоковиќ би имал заштита до април, па затоа нема да може да игра на Ролан Гарос.
Според постоечките протоколи, тој би можел да го стори тоа бидејќи турнирот завршува до средината на јуни, кога поминале шест месеци од претходната инфекција.
„Л’Екип“ наведува дека е невозможно да се предвиди што ќе се случува во наредните месеци, па не е сигурно дали Новак ќе може да го одбрани трофејот.
Протоколот стапува на сила на 15 февруари, но не е исклучено повторно да има некои измени.
Потсетуваме, Ѓоковиќ ја брани титулата откако минатата година во финалето го совлада Стефанос Циципас во пет сета. Тој не можеше да ја одбрани титулата на Австралија опен бидејќи беше депортиран од Мелбурн токму затоа што не беше вакциниран против коронавирусот, па му беше укината визата.