Германија: Поради штрајк на пилотите на „Еуровингс“ откажани стотици летови

Штрајкот на пилотите на авиокомпанијата „Еуровингс“ денеска ја принуди германската компанија да откаже околу 250 летови.

Подружницата на „Луфтханза“ објави дека околу половина од нејзините 500 дневни летови ќе бидат откажани, што ќе влијае на десетици илјади патници, пренесе АП.

Германските аеродроми ќе бидат најтешко погодени, но и многу други, пред се во Стокхолм, Прага и Мајорка.