Германска енергетска компанија соработува со Украина за изградба на ветерна фарма во заштитената зона околу нуклеарната централа Чернобил.
NOTUS во вторникот објави дека потпишал писмо за намери со украинската државна компанија Укренерго за време на посетата на германскиот министер за надворешни работи оваа недела.
Во заштитената зона околу нуклеарната централа Чернобил, може да се произведат 1.000 мегавати ветерна енергија и 800.000 домаќинства во главниот град Киев би можеле да се снабдат со електрична енергија, проценува NOTUS.
Областа е празна од 1986 година, кога еден од реакторите се стопи во најголемата нуклеарна катастрофа досега.
Според NOTUS, една од предностите на изградбата на ветерна фарма во заштитена зона е тоа што здруженијата за заштита на животната средина и невладините организации нема да се жалат на проектот.
Зоната се наоѓа на околу 150 километри северно од Киев.
Од почетокот на инвазијата во февруари 2022 година, Русија редовно ја напаѓа енергетската инфраструктура на Украина.