Во текот на новогодишната ноќ, твитер-профилот на Мараја Кери беше хакиран, објавувајќи низа навредливи твитови.
Оној кој привлече најмногу внимание е твитот во кој зборува за половиот орган на раперот Еминем.
Реакцијата на Мараја, откако нештата беа средени, беше: „Дремнав малку и ова се случи?“
I take a freaking nap and this happens?
— Mariah Carey (@MariahCarey) January 1, 2020
На публиката веднаш ѝ беше јасно дека станува за невкусна шега и дека самата Мараја сигурно не стои зад напишаното и дека многу е веројатно дека се работи за хакерски напад.
Твитовите стоеја на профилот извесно време, по што беа избришани. Засега, единствени сомнителни за овој случај се сајбер-бандата „Chuckling Squad“ кои имаат историја со напади на профили на Твитер и Јутјуб.
