Генералниот секретар на Демократски сојуз (ДС), Зоран Димитровски вечерва потврди дека партијата ќе излезе од Владата доколку биде прифатен предлогот на француското ротирачко претседателство со ЕУ.
-Кратко речено да. Го охрабрувам премиерот да каже не за предлогот. Доколку тој тоа не го направи и доколку каже да и рамката помине и ние ја одржиме Првата меѓувладина конференција со сликање, ДС ќе ја напушти Владата. Ваков предлог е неприфатлив од неколку причини, прво ова никако не беше искомуницирано со ДС. Овој предлог е комлетно против македонските национални интереси. Сите работи треба да се прават обострано, а не вака. Не можете вие така арогантно да биде побарано од Македонија што не е европски. Не може од вас да исполнувате стандарди поврзани со малцинствата, рече Димотровски во емисијата „Топ тема“.
Во текот на денот се огласи и лидерот на ЛДП и министер Горан Милевски, кој исто така информира дека ќе ја напуштат владата доколку не биде одбиен францускиот предлог.