Ентони Мекреј (43) е идентификуван како осомничен за пукањето во Мичиген во кое загинаа три лица, соопшти полицијата.
Официјални лица додадоа дека неговата поврзаност со универзитетот не е позната, додека мотивот останува нејасен.
Мекреј починал од прострелна рана што си ја нанел, соопшти полицијата.
Најмалку три лица загинаа, а пет се повредени во пукотницата на Универзитетот во Мичиген во понеделникот вечерта.
Сите загинати се студенти, додека повредените се во критична состојба.
Полицијата соопшти дека еден граѓанин го препознал осомничениот по објавувањето на неговата фотографија и ѝ помогнал на полицијата да го лоцира.
Полицијата соопшти дека е пронајдено оружје, а безбедносните органи известија дека е издаден налог за претрес на куќа поврзана со осомничениот во овој случај.
Универзитетот во Мичиген објави дека наставата е откажана до понеделник.