ИФИМЕС: Тајна разузнавачка операција „Коњски скок“ за враќање на Груевски на власт во С.Македонија

од Vladimir Zorba

Меѓународниот институт за блискоисточни и балкански студии од Љубљана (ИФИМЕС) во својата нова анализа за земјава под наслов „Дали ЕУ е пред нова историска грешка“ посочува дека С. Македонија е на геополитичка раскрсница и затоа е важно да се обезбеди траен мир и долгорочна стабилност на земјава во регионален и меѓународен контекст.

„Токму поради нејзината геополитичка и геостратешка позиција, Северна Македонија е раскрсница на регионален и меѓународен криминал, и поради тоа, се прават огромни напори од Министерството за внатрешни работи и безбедносно-разузнавачките агенции за сузбивање на криминалот и корупцијата на и преку нејзината територија“, велат од ИФИМЕС.

Аналитичарите предупредуваат на тајна операција за разузнавање, наречена „Коњски скок“ во меѓународните кругови, со крајна цел враќање на Никола Груевски во Северна Македонија и исфрлање на постојниот политички естаблишмент. Разузнавачките служби откриле и лоцирале повеќе од 160 медиумски портали, кои произведуваат бројни (fakenews) и скандали со намера да предизвикаат хаос и да ги дискредитираат пред се премиерот Зоран Заев и министерот за внатрешни работи Оливер Спасовски. Ова е поврзано со Adinamic Media, компанија што води веб-страници што ја поддржуваат опозициската партија ВМРО-ДПМНЕ. Adinamic Media е поврзана со унгарската јавна телевизиска мрежа Magyar Televizo (MTV), која ја фаворизира водечката партија ФИДЕС на премиерот Виктор Орбан.

На политичко ниво, се прават обиди да се блокира функционирањето на институциите, на пр. опозициската ВМРО-ДПМНЕ поднесе повеќе од 2.000 измени и дополнувања на Законот за армијата на Република Северна Македонија, со што на овој начин директно се нарушува системот на НАТО. Предлог-законот за давање на македонско државјанство со тројца сведоци е под знак прашалник и не е во согласност со меѓународните стандарди и може да влијае на административната промена на етничкиот имиџ и да создаде нови тензии.

„Нон-пејпери“, лансирани од блиските сојузници на Никола Груевски, исто така придонесуваат за создавање на хаотичен амбиент, велат од Институтот.

„Ќе се интензивираат нападите врз министерот за внатрешни работи Оливер Спасовски, бидејќи тој ги откри и ги демонтираше мрежите на одредени странски разузнавачки служби на територијата на С. Македонија, и поради тоа, нападите врз него беа дизајнирани како еден вид одмазда за неговите успешни активности . Бугарија, Унгарија и некои други земји ќе мора да ја повлечат својата разузнавачка мрежа од С. Македонија и да соработуваат во областа на разузнавањето врз основа на потпишаните договори. Загрижувачки е фактот дека клучните безбедносни предизвици и закани за С. Македонија доаѓаат од земјите членки на НАТО, чија членка е и С. Македонија“,пишува ИФИМЕС.

Аналитичарите сметаат дека центарот на тајната разузнавачка операција е во Будимпешта и дека во неа се вклучени одредени шефови на држави, кои се сојузници на Никола Груевски, претежно од европската (радикална) десница. Поврзано со тоа е производството на „нон-пејперот“, кои се во функција на враќање во Северна Македонија и враќање на власт на Никола Груевски, затоа што проценија дека Зоран Заев, со тесно парламентарно мнозинство, може брзо да биде срушен во создадената хаотична средина. Се поставува прашањето зошто НАТО толерира ваква активност на разузнавачките служби на некои нејзини земји-членки во С. Македонија, што не е насочено само против националните интереси на суверената земја-членка, туку и против интересите на самото НАТО, се истакнува во анализата.

Слични содржини