Искршил рампа од патарина, па влетал во полициски автомобил

МВР информира за инцидент во кој жител на скопско Батинци се забил во полициски автомобил.

-Во текот на денешниот ден, полициски службеници од СВР Куманово го лишиле од слобода Б.С.(30) од с.Батинци, скопско. Претходно, околу 01.00 часот на автопат Скопје – Куманово тој со возило „бмв“, со скопски регистарски ознаки, искршил рампа на наплатна станица Романовце, а на влезот во Скопје удрил во полициско возило.

Тој бил приведен во полициска станица и по целосно документирање на случајот против него ќе биде поднесена соодветна пријава, соопштија од полицијата.