Манекенките Џиџи и Бела Хадид позираа целосно голи во кампања за „Версаче“, со црвено јаболко во рацете, а змијата околу ногата на Бела јасно покажува дека сакале да „доловат“ библиски мотиви.
Сепак, поради овие фотографии, сестрите Хадид се на мета на осуда, бидејќи многумина сметаат дека таквата кампања е облик на богохулење.
Џиџи и Бела позираа со чанти „Версаче“, кои ги покриваа нивните интимни делови од телото, а многумина претпоставуваат дека Донатела Версаче била инспирирана од библиските мотиви и познатата слика на Ботичели „Раѓањето на Венера“.
„Моите Версаче божици“, напиша Донатела во описот на контроверзната фотографија што ја објави на својот Инстаграм профил.
Во коментарите, освен пофалби, имаше и бројни критики.
„Но зошто?“, „Демонска симболика“, „Животните не се носат, не се модни украси“, се само дел од негативните коментари.