Кинеската компанија „Ора“, подружница на кинескиот автомобилски гигант „Грејт Вол“, ја оживеа легендарната „Буба“, која „Фолксваген“ ја произведе во два наврати. Кинезите направија реплика на оригиналната „Буба“, која дебитираше во 1938 година, се произведуваше во Европа до 1979 година, а во Јужна Америка до првите години на 21 век.
Германската компанија ја обнови „Бубата“ во нова верзија на крајот на деведесеттите и ја произведуваше до 2019 година. Новата реинкарнација на легендарниот автомобил доаѓа од Кина, а беше претставена на Саемот за автомобили во Шангај.
Behold: the Ora Punk Cat has been revealed at the Shanghai Auto Show.
I'm assuming the words "Original idea" don't translate very well into Mandarin. pic.twitter.com/7kcQ0aKP7l— Gavin Shoebridge (@KiwiEV) April 20, 2021
Кинеската „Буба“ се вика „ора панк кет“, има четири врати и електричен погон.
Засега нема многу детали за техничките карактеристики на новата „Буба“ од Кина, пишува „Карскупс“.
The GWM Ora Punk Cat has been revealed with classic Beetle-inspired design cues…https://t.co/kMGeRKxTIo pic.twitter.com/GYKsob81Bb
— CAR magazine (@CARmagSA) April 20, 2021
Патем, компанијата „Ора“ е основана од „Грејт вол“, со цел да произведува електрични автомобили. Минатата година на саемот во Индија го претстави еден од најевтините електрични автомобили во светот, моделот „Ора Р1“, чија цена започна од 7.600 евра.