Роналд Куман треба да остане тренер на Барселона барем уште една година, објави познатиот фудбалски инсајдер Фабрицио Романо.
Куман не ги исполни очекувањата од минатата сезона затоа што Барселона не ја освои титулата во Шпанија, а не успеа ниту да стори нешто повеќе во Лигата на шампионите.
Жоан Лапорта и управата на клубот решија да продолжат со Куман и покрај сè, особено што тимот сега ќе се засили со неколку играчи.
Дојдоа Ерик Гарсија, Серхио Агуеро и Џорџино Вајналдум, па се очекува каталонскиот гигант да биде поприлагоден на холандскиот стручњак.
Куман ја презеде Барселона минатото лето, по заминувањето на Кике Сетјен. Сетјен ја загуби титулата од Реал Мадрид, а потоа Барса се посрамоти во Лигата на шампионите.
Ronald Koeman STAYS at Barcelona, confirmed. Koeman agents were ‘confident’ since one week and now the agreement is imminent. Joan Laporta decided to continue with Koeman as manager next season. Here we go. 🔵🔴🇳🇱 #FCB #Barcelona #Koeman
— Fabrizio Romano (@FabrizioRomano) June 3, 2021
Куман го презеде тимот за време на внатрешните превирања, кога Лионел Меси јавно изрази незадоволство од тогашната управа и претседателот Бартомеу и сакаше да си замине.
Ситуацијата од тогаш малку се стабилизира, Меси се предомисли, па, очигледно, на Куман ќе му се даде уште една шанса.