Министрите за надворешни работи на земјите од Г-20 на самитот во Индонезија одлучија да го игнорираат рускиот министер за надворешни работи Сергеј Лавров.
Прво дипломатите одбија да се фотографираат со него, а потоа министрите на земјите од Г7 ја пропуштија официјалната вечера на која требаше да се појави и Лавров, пишува „Шпигел“.
„Рускиот министер за надворешни работи Сергеј Лавров штотуку пристигна на состанокот на Г-20 на Бали, опкружен со големо медиумско внимание. Но, тој треба да замине пред ручек, изјави неговата портпаролка Марија Захарова за германската агенција ДПА, пренесува германскиот весник.
Во обид да ја олесни ситуацијата и да објасни се на свој начин, Захарова рече дека Лавров се уште „води билатерални разговори“, поради што не присуствува на официјалниот оброк и на попладневната седница, а потоа ќе им се обрати на новинарите и ќе си замине“.
⚡️ Lavrov leaves G20 summit due to boycott, – Der Spiegel.
The foreign ministers of the G20 countries at the Indonesian summit decided to ignore Lavrov. First, the diplomats refused to take a photo with him, and then the ministers of the G7 countries missed the official dinner. pic.twitter.com/tOlgnAgLpE
— Flash (@Flash43191300) July 8, 2022
Лавров, сепак, ја напуштил салата за состаноци веднаш по неговиот говор, според извори во делегацијата.
Тој го избегнал и говорот на германската министерка за надворешни работи Анален Бербок. Бербок, како вршител на должноста претседател на групата Г7 на водечките демократски економски сили, требаше да биде следниот говорник по Лавров. Според нив, Русинот седел во салата меѓу претставниците на Саудиска Арабија и Мексико.
Присуството на Лавров на состанокот на Г20 се сметаше и како тест за можното учество на шефот на Кремљ Владимир Путин на самитот на Г20 закажан за 15-16 ноември исто така на Бали.
Неколку земји го доведуваат во прашање нивното учество доколку Путин лично присуствува на актуелниот самит.