Актерката Лиза Кудроу, позната по улогата на Фиби во серијата „Пријатели“, на почетокот на нејзината кариера сметаше дека ќе мора да има активен социјален живот за да обезбеди успех во нејзината индустрија. Подоцна сфати дека култниот ситком и ја обезбеди славата цел живот.
„Да се биде „славен“ е сосема различно од актерството. Лесно е да се биде познат, да се појавиш на забава и на сите слични места каде што ќе се сликаш за разни списанија. Не е тешко. Тоа е значително полесно отколку да водите исполнет актерски живот, да работите на вашата глума и да барате интересни улоги. Тоа е всушност тешкото“, изјави таа за американските медиуми.
„Кога „Пријатели“ станаа популарни, мислев дека е моја работа да бидам славна, па затоа честопати се прашував на кои забави треба да присуствувам и кога е пристојно да одам. Се обидов да живеам на тој начин и брзо го замразев тоа“, рече таа.
„Тогаш сфатив дека едното нема никаква врска со другото. Сè уште можев да бидам актерка, без ловот на славата. Сè уште можев да ги добијам саканите работни места и улогите што сакав да ги играм, а истовремено да имам време да го однесам син ми на училиште и навечер да бидам дома. Беше олеснување да го испуштам делот од мојата кариера што не ми се допаѓаше“, искрено објасни таа.