Западот врши притисок врз Белорусија со цел да ја претвори во уште една Украина, но тоа нема да се случи, изјави белорускиот претседател Александар Лукашенко.
Тој на прес-конференцијата на тема социо-економски развој на земјата нагласи дека целта на Западот нема да се постигне и дека Белорусија никогаш нема да биде како Украина, пренесе белоруската агенција „БЕЛТА“р.
– Тие бараат Белорусија да стане уште една Украина, која ја опишуваат како демократска и развиена земја. Пред два дена им беше даден јасен одговор.
„Ние никогаш нема да станеме како Украина, бидејќи ние сме Белоруси и имаме своја визија за нашите перспективи“, рече Лукашенко.
Лукашенко рече дека е сигурен дека никој од присутните на конференцијата, ниту некој од обичните граѓани кои сакаат нормален живот за себе и за своите деца, не сакале Белорусија да стане уште една Украина.
Претседателот на Белорусија привлече внимание на фактот дека Белорусија е во самиот центар на глобалниот конфликт меѓу Западот и Русија и дека каналите за разговори се уште функционираат, пренесе ТАС.
– Немојте да мислите дека само се караме, дека нема контакти, дека ништо не гледаме, дека ништо не ни кажуваат и дека не одговараме. Имаме канали кои ги користиме за комуникација, истакна Лукашенко.
Тој потсети дека Западот колективно се обиде да ја дестабилизира ситуацијата во Белорусија минатата година, за време на претседателските избори во таа земја.
– Нивните очекувања по распадот на Советскиот Сојуз и нивниот сон требаше да се остварат во август минатата година. Тие би создале санитарен кордон и блок со граници во близина на Смоленск. Не успеаја, истакна Лукашенко.