Милков: Бугарија и С. Македонија денеска за првпат заеднички го чествуваат Св. Климент Охридски

од Nikola Popovski

Денес согласно постигнатите договори во месец јуни, за првпат заеднички ја празнуваме дејноста на Свети Климент Охридски, изјави денеска од Скопје министерот за надворешни работи на Бугарија, Николај Милков.

-Ќе положиме цвеќе во знак на почит пред споменикот на Св. Климент Охридски, тој е еден од најпознатите ученици на светите браќа Кирил и Методиј кои ние ги почитуваме и го почитуваме нивното дело, најави Милков.

Тој на денешната заедничка прес-конференција со министерот за надворешни работи Бујар Османи во рамки на бизнис форумот „До една милијарда и понатаму“ која се одржува во Скопје, посочи дека заслугата за ова заедничко чествување е на македонско-бугарско историската Комисија.

-Заедничката комисија дава една општа интерпретација на делата на Кирил и Методиј и на свети Климент Охридски и во овој случај тоа е еден многу позитивен знак. Кога ние имаме заедничка концепција и општо разбирање за различни историски периоди, за различни историски личности тоа ќе реши ред проблеми кои денес ги има во историјата во нашите современи односи, потенцира Милков.

-Сакам да ја потврдам нашата заедничка поддршка на Мешовитата комисија и сметаме дека нејзиното успешно функционирање придонесува во работењето на развојот на добрососедските односи, порача шефот на бугарската дипломатија.

На последниот состанок на Мешовитата комисија за историски и образовни прашања меѓу Македонија и Бугарија, одржан во Скопје, фокусот на разговорите беше ставен на промената на учебниците по географија, како што сугерираат августовските препораки. Тие мора да се променат во рок од една година, а во рок од две години треба да има промена и во учебниците по историја во Бугарија за 5-то одделение и во Северна Македонија за 6-то одделение.

Слични содржини