Познатиот португалски фудбалски стручњак Жозе Мурињо (58) во недела ќе го запише својот илјадити натпревар во својата тренерска кариера.
Се очекува тренерот на Рома во недела да излезе против Сасуоло, што ќе биде натпревар број 1.000 во неговата кариера.
„Специјалниот“ ќе стане само 33 -ти тренер во модерната ера на европскиот фудбал што достигнал 1.000 натпревари.
На врвот на скалата е легендарниот Алекс Фергусон со 2.155 натпревари, а потоа Французинот Арсен Венгер со 1.701 натпревари.
За време на тренерската кариера, Мурињо бил тренер на девет европски тимови во четири лиги – Бенфика, Унијао де Леирија, Порто, Челси, Интер, Реал Мадрид, Манчестер Јунајтед, Тотенхем и Рома.
Еден од најуспешните тренери во светот освои 25 трофеи, додека Лигата на шампионите со два различни клуба, со Порто (2004) и Интер (2010).
„Ми претставува огромно задоволство што ја достигнав бројката од 1.000 натпревари, но во исто време секогаш во моја природа е да се радувам на следниот натпревар, да не уживам во спомените од мечевите зад мене“, рече Португалецот за Здружението на менаџери на англиската лига (ЛМА).
ЛМА ќе му додели специјална награда на Жозе и официјално ќе го воведе во Hall of Fame 1000 Club на специјална вечера кога ќе дозволат околностите.
„Постигнувањето на оваа голема бројка е извонредно достигнување за Жозе и неговите резултати секогаш ќе обезбедат тој да биде признат како еден од тренерските великани“, рече легендарниот британски менаџер Алекс Фергусон.