Актуелно
Почетна / Бизнис / Најбогатиот човек на светот повторно продаде акции: Овој пат во вредност од 3,1 милијарди долари

Најбогатиот човек на светот повторно продаде акции: Овој пат во вредност од 3,1 милијарди долари

Извршниот директор на „Амазон“, Џеф Безос, неделава продаде акции во компанијата вредни повеќе од 3,1 милијарди долари, според извештајот до Комисијата за хартии од вредност.

Претходно оваа година, Безос продаде акции во вредност од над 4,1 милијарди долари во компанијата.

Продажбата оваа недела ја зголемува вкупната сума заработена со продажба на акции во 2020 година на нешто повеќе од 7,2 милијарди долари.

Тој и понатаму поседува повеќе од 54 милиони акции, вредни околу 170 милијарди долари, што го прави најбогатиот човек на светот.

Минатата недела „Амазон“ објави резултати за вториот квартал, кои ги надминаа очекувањата на аналитичарите, откако пандемијата на коронавирус поттикна Интернет шопинг, пренесува Biznisinfo.

Акциите на Амазон пораснаа за 73 отсто оваа година.

loading...