Се верува дека севернокорејскиот лидер Ким Џонг Ун денеска полни 40 години, но тамошните државни медиуми го продолжуваат деценискиот молк околу неговиот роденден.
Се верува дека роденденот на Ким е на 8 јануари, иако тоа никогаш не е официјално потврдено, наведува Ројтерс. Владата на САД тврди дека Ким е роден во 1984 година, што значи дека оваа година полни 40 години.
Датумите на раѓање на таткото и дедото на Ким, кои биле на власт пред него, се слават како државни празници во Северна Кореја, но датумот на раѓање на Ким Џонг-Ун отсекогаш се чувал во тајност.
Исклучок е јануари 2020 година, кога Северна Кореја призна дека Ким добил роденденски желби од тогашниот американски претседател Доналд Трамп, без да го прецизира точниот датум кога тоа се случило.
Државната новинска агенција „КЦНА“ денеска објави дека Ким е во посета на фарма за кокошки со неговата ќерка и високи државни функционери.
Јужнокорејската разузнавачка агенција објави овој месец дека ќерката на Ким, позната како Ју-Ае, најверојатно ќе го наследи нејзиниот татко на чело на државата.