Храната која ја јадеме честопати може да влијае на нашата орална хигиена и здравје.
Затоа д-р. Калед Касем, главен ортодонт во „Impress Orthodontics“, разби некои вообичаени митови кога станува збор за тоа каква храна им штети на нашите заби.
Тој рече: „Тајната за добро здравје на забите всушност може да се најде во вашиот фрижидер и меѓу многу изненадувачки намирници. Многу намирници често се сметаат за штетни за нашите заби, но всушност нивните придобивки за здравјето на усната шуплина и забите може да бидат многу поголеми“.
Еве шест неверојатни намирници кои можат да го подобрат вашето здравје на забите и да ви помогнат да имате блескава насмевка:
1. Чоколадо
Чоколадото е можеби едно од нашите најголеми искушенија, но може да ви помогне и во борбата против кариесот поради неговите моќни антибактериски својства. Но, д-р. Касем истакна дека црното чоколадо е најдобро и додаде дека тоа не значи дека треба да се препуштите на прекумерно уживање во чоколадото, бидејќи ви треба само мала количина за да имате корист од него.
2. Сирење
Касем наведува дека млечните производи и сирењето се особено богат извор на калциум и витамин Д кои помагаат во зајакнувањето на забите.
Тој објасни: „Млечната киселина во сирењето може да помогне да се отстранат дамките и од забната глеѓ“.
3. Јаболка
Јаболката не само што е одлична закуска, туку може да помогне и во отстранување на забните наслаги.
Касем објаснува: „Бидејќи е тврдо и крцкаво овошје, треба повеќе да се џвака, што природно го зголемува производството на плунка, што помага во заштита на нашите заби и помага при природно отстранување на забните наслаги“.
4. Целер
Д-р Касем вели дека тој е еден од зеленчуците што најмногу се препорачува во стоматолошката индустрија поради неговите природни антибактериски својства.
Тој додаде: „Без разлика дали се консумира во сокови, супи или сосови, јаболковата киселина содржана во целерот исто така го стимулира производството на плунка за природно чистење на забите“.
Исто така, целерот има големи антибактериски својства и може да се користи во различни јадења.
5. Јагоди
Јагодите се разноврсни и можат да се користат во смути, сокови, па дури и како самостојна закуска.
Освен што се вкусни, содржат голема количина на ксилитол кој е одговорен за борба против бактериите кои предизвикуваат забни наслаги.
6. Боровинки
Честопати се нарекуваат супер храна бидејќи имаат висока хранлива вредност и малку шеќер, пишува The Sun.
„Иако се познати по своите антиоксидантни својства, боровинките се еден од нашите најголеми сојузници во спречување на заболувања на непцата, благодарение на полифенолите – природно соединение кое ги штити непцата и забите“, објасни Касем.