Alfa Romeo претходно најави дека на 10 април оваа година ќе го претстави својот нов SUV модел Milano, а за потсетување сега пристигнува нова тизер слика.
Тоа ќе биде најмалиот модел во палетата на италијанската марка, која моментално ја сочинуваат Giulia, Stelvio и Tonale, а Alfa објави дека Milano ќе му даде приоритет на уживањето во возењето, со цел да обезбеди „директно и прецизно управување“.
Името Milano ќе го носи во чест на градот Милано, каде компанијата е основана во 1910 година.
Исто така, во тој град ќе се одржи и официјалната презентација во април. После тоа, целосно електрична верзија ќе се појави на пазарот во септември, со благ хибриден бензинец кој ќе се приклучи на линијата два месеци подоцна.
Milano ќе биде долг околу 420 cm и ќе биде изграден на CMP/eCMP платформата, заедно со Fiat 600 и Jeep Avenger.
Варијантата со погон на SUS најверојатно ќе вклучува некоја форма на електрификација за подобрување на ефикасноста, намалување на емисиите и зголемување на моќноста. Соодветна опција може да биде 1,2-литарскиот турбо благ хибрид што се користи во Fiat 600 Hybrid и Jeep Avenger Hybrid. Алтернативно, Alfa Romeo може да се одлучи за помоќна верзија, достапна во сродни модели од Peugeot и Opel, обезбедувајќи предност во перформансите.
Сепак, најинтересна ќе биде целосно електричната верзија. Тaa треба да доаѓа со погон на четири тркала и батерии од 54 kWh, со електричен опсег од околу 400 km.
Сè на сè, Alfa Romeo планира да напише нови правила за овој сегмент. На автомобилската сцена, која се развива сè побрзи и нуди широк спектар на возила во се попопуларниот SUV сегмент, новата линија на овој бренд уште еднаш ги дефинира нејзините амбиции.