Небото над Словачка ќе го чуваат чешки и полски авиони

Врз основа на договорот потпишан денеска, партнерите од НАТО, Чешка и Полска, ќе патролираат на небото на Словачка додека Братислава не ги повлече сите авиони МиГ-29, што потенцијално ќе го отвори патот за испраќање на старите борбени авиони во Украина.

Словачка соопшти дека е подготвена да испрати 11 „миго“ во Украина, чија војска долго време се потпира на опрема од советската ера, објави Ројтерс.