Николоски: Во ТИРЗ има 2400 нови вработувања, странските инвеститори веќе не доаѓаат поради ниски плати, туку гледаат потенцијал

од Stefanija Kuzmanovska

Заменикот министер за финансии Филип Николоски во гостувањето во ТВ24 нагласи дека се размислува за дополнително намалување на цената на струјата.

-Сите мерки што ги воведовме влијаат да се намали инфлацијата, односно цените на производите, а тоа сега се гледа и по маркетите. Цените на некои од основните прозиводи се значително намалени, за разлика од она што беше во септември и октромври, кажа Николоски.

Тој повтори дека инфлација минатата година имало секаде, дури и поголема инфлација кај дел од балтичките земји, додека бројката на нашата инфлација била слична со околните држави. Николоски очекува инфлацијата да се симне до 7%.

-Битно беше што при првиот удар реагиравме со првиот сет мерки. Ние до лани до месец јуни имавме 9,5% инфлација, па притоа намаливме ДДВ-то на основни производи, на горивата данокот од 18% беше намален на 10%. Направивме да се амортизира инфлацијата и тоа успешно. Со вториот сет на мерки, средствата беа насочени кон оние кои се најзагрозени, тие беа таргетирани, истакна Николоски, додавајќи дека средствата се уште се исплаќаат.

Тој потенцира дека и во период на криза се креирани 2400 нови работни места во ТИРЗ.

-Таму имавме над 450 милиони инвестиции, извозот надмина 3,8 милијарди евра. Странските инвеститори гледаат потенцијал во нас. Порано тие доаѓаа само поради ниски плати, а сега платите растат и во индустриските зони, кажа заменикот министер.

Слични содржини