Од 1 јули во Бугарија ќе се влегува на нов начин, бидејќи земјите ќе бидат поделени во неколку зони – црвена, портокалова и зелена. Ова го објави министерот за здравство Стојчо Кацаров, кој го тестира лсистемот за електронска проверка на европските сертификати за вакцинација на граничниот пункт Калотина.
Одлуката во која зона ќе паднат земјите ќе се донесе врз основа на бројот на пациенти и процентот на позитивни тестови. Списокот на земји ќе се ажурира еднаш неделно.
Министерот Кацаров исто така објави дека 167 здравствени инспектори се испраќаат на граничните пунктови за да го надгледуваат протокот на инспекции на оние што влегуваат во земјата:
„Ќе бидат поделени во три зони – зелена, портокалова и црвена. Луѓето кои се во зелената зона влегуваат со најлесен режим, од портокаловата зона со малку построг режим, на некои од овие лица ќе им бидат дадени дополнителни тестови по случаен избор, а на оние што се во црвената зона нема да им биде дозволен влез во земјата“, рече тој.