Радио Слободна Европа / Радио Слобода, финансирани од САД, соопшти дека еден од нивните новинари бил убиен во рускиот ракетен напад врз главниот град на Украина, Киев, во четвртокот вечерта.
Вира Хирич била убиена кога била погодена зградата во која живеела, а нејзиното тело во петокот било пронајдено под урнатините, јави Радио Слободна Европа.
Хирич работеше за сервисот на украински јазик од 2018 година, се вели во соопштението на Радио Слободна Европа.
Десет лица се повредени во нападот, меѓу кои најмалку едно лице кое изгубило нога, соопштија украинските служби за итни случаи.
Опишувајќи го нападот, Русија вели дека „уништила производни згради“ во фабрика за одбрана во Киев. Русија употреби „високопрецизно оружје со долг дострел“ за да ја погоди фабриката Артем во главниот град на Украина, изјави во петокот портпаролот на руското Министерство за одбрана.
Портпаролот се чинеше дека мислеше на нападите врз Киев што се случија во четвртокот вечерта, непосредно по средбата меѓу претседателот Володимир Зеленски и генералниот секретар на ОН, Антонио Гутереш. Украинскиот министер за надворешни работи Дмитро Кулеба изјави дека во нападот биле користени крстосувачки ракети, а градоначалникот на Киев, Виталиј Кличко изјави дека едно лице загинало, а четири се хоспитализирани кога била погодена станбена зграда.
Конашенков, исто така, рече дека Русија го уништила местото за лансирање ракети што го користеше Украина за напад врз украинскиот град Херсон, кој е под контрола на Русија.