Акцијата на белоруските власти, кои го принудија авионот со новинарот Роман Проташевиќ присилно да отстапи од својот пат и да слета во Минск, драматично ја смени состојбата на воздушниот сообраќај над таа земја.
Имено, веднаш штом се дозна дека властите во Минск лажно пријавиле дека има бомба во авионот „Рајанер“ кој летал во правец Атина-Вилнус, по што тие со часови го држеле тој авион на аеродромот во Минск, бројни авиокомпании и држави се одлучија да го заобиколат воздушниот простор на Белорусија во широк лак.
Веб-страницата за следење на воздушниот сообраќај „Flightradar24“ јасно покажува дека овие денови авионите летаат над територијата на Белорусија многу поретко.
Flights by British Airways, Air France, and KLM that have previously operated through Belarus now going around. https://t.co/3318cNSEs8 pic.twitter.com/ymNWPUqzIm
— Flightradar24 (@flightradar24) May 24, 2021
Потегот на белоруските власти, кои се обвинети за „киднапирање авион“ и „државна пиратерија“, го предизвика гневот на Западот.
Европската унија на синоќешниот самит донесе одлука за воведување нови санкции кон Белорусија и, меѓу другото, ги повика авиокомпаниите од земјите на ЕУ да избегнуваат летање над Белорусија.
Советот на ЕУ исто така беше повикан да донесе мерки за забрана на белоруски авиокомпании да летаат над воздушниот простор и пристап до аеродромите на Европската унија.
Во меѓувреме, Велика Британија, Франција, Холандија и некои авиокомпании веќе ги усвоија овие мерки против Белорусија.
Пресретнување, па неколкучасовно задржување на авионот
Објавен е и временски курс што покажува што се случило со авионот на „Рајанер“ на летот FR4978.
Авионот полетал од аеродромот во Атина во 07.29 часот.
Во 09.46 часот започна свртувањето кон Минск, бидејќи ловецот МиГ-29 го пресретна авионот и му порачал да го стори тоа.
Timeline of #FR4978 / SP-RSM events today (UTC time).
07:29 Take off from Athens
09:46 Diversion started
10:16 Landed in Minsk
17:47 Take off from Minsk
18:26 Landed in Vilnius pic.twitter.com/2njOuGfQ1P— Flightradar24 (@flightradar24) May 23, 2021
Авионот слетал во Минск во 10.16 часот.
По седум и пол часа задржување на патниците, кои беа пребарувани од припадници на белоруските безбедносни сили со кучиња трагачи, авионот полетал од аеродромот во Минск во 17.47 часот.
Во 18.26 часот слета во Вилнус.