Како и многу нарушувања на менталното здравје, депресијата е генетски сложена и се карактеризира со комбинација на многу различни варијанти, велат истражувачите.
Масовна студија на поврзаноста на геномот (GVAS) на генетски и здравствени картони на 1,2 милиони луѓе од четири одделни бази на податоци, идентификуваше 178 варијанти на гени поврзани со голема депресија, нарушување кое ќе погоди секое петто лице во текот на животот.
Резултатите од студијата, предводена од истражувачи од американското Министерство за ветерани во Медицинскиот факултет на Универзитетот Јеил и Универзитетот Калифорнија-Сан Диего (UCSD), може еден ден да помогнат во идентификување на луѓето со најголем ризик од депресија и сродни психијатриски болести и да им помогне на лекарите да препишат лекови кои се најсоодветни за лекување на нарушувањето.
Студијата е објавена во списанието „Nature Neuroscience“.
За оваа студија, истражувачкиот тим анализираше медицинска евиденција и геноми собрани од повеќе од 300.000 учесници во В.А. (програма за милиони ветерани (MVP)), една од најголемите и најразновидните банки на генетски и медицински информации во светот.
Овие нови податоци се комбинираат во метанализа со генетски и здравствени досиеја од британската „Biobank“ со седиште во Финска и резултатите од компанијата за потрошувачка генетика „23andMe“. Овој дел од студијата вклучи 1,2 милиони учесници. Истражувачите ги вкрстија своите наоди од таа анализа со целосно посебен примерок од 1,3 милиони волонтери од „23andMe“.
Кога беа споредени двете групи на податоци од различни извори, генетските варијанти поврзани со депресија се реплицираа со статистичкото значење за повеќето тестирани маркери.
„Она што најмногу нè радува е што можеме да ги повториме нашите наоди во независни збирки на податоци“, рече Даниел Леви, соработник за истражување на одделот за психијатрија на Јеил и ко-главен автор. „Репликацијата е белег на добрата наука и овој труд покажува колку стануваат сигурни и стабилни резултатите од студијата за GVAS.
„Поради тоа не не изненади колку варијанти пронајдовме“, рече Џоел Галестер, професор по психијатрија на Јеил, професор по генетика и невронаука и водечки соработник на студијата. „И не знаеме уште колку се преостанати за откривање – стотици? Можеби дури и илјадници?“.
Големината на новата GVAS студија ќе им помогне на клиничарите да развијат проценки на полигени ризици за да ги утврдат оние кои се изложени на најголем ризик од развој на голема депресија и други поврзани психијатриски нарушувања, како што се анксиозност или посттрауматско стресно нарушување, велат авторите.
Студијата, исто така, дава детален увид во основната биологија на генетските нарушувања. На пример, една варијанта на генот вклучена во депресија, NEGR1, е регулатор на нервниот раст активен во хипоталамусот, дел од мозокот кој претходно беше поврзан со депресија. Тоа го потврдува истражувањето на починатиот невронаучник на Јеил, Роналд Думан, за улогата на невротрофичните фактори во депресијата, рече Левеи.
„Навистина е неверојатно кога сосема различни видови на истражување се приближуваат до слична биологија, и тоа е она што се случува овде“, рече тој.
Увидот во функциите на варијантите исто така може да помогне во идентификување на многу ветувачки лекови во третманот на депресија, велат истражувачите.