Леора Фридберг и Стивен Стерн, економисти на Универзитетот во Вирџинија во САД, спроведоа истражување на 4.242 брачни парови како дел од Националното истражување за семејство и домаќинства – тие им поставија две прашања и го проверија нивниот однос шест години подоцна.
1. Колку сте среќни во бракот во однос на тоа колку би биле среќни ако не сте во брак?
Понудените одговори беа – многу помалку, помалку, исто, повеќе, многу повеќе.
2. Што мислите, како вашиот сопружник одговори на тоа прашање?
– Идејата за љубовта е да ве направи среќни и самиот факт дека вашиот сопружник е едноставно среќен. На пример, би можела да се согласам да работам повеќе домашни работи, што донекаде ја намалува мојата лична среќа, но ова се компензира со знаењето дека мојот партнер има корист од тоа, односно дека е посреќен – рече Фридберг и додаде дека се чини дека многу паровите не придаваат важност на ова.
– Само 40,9 проценти од паровите кои учествувале во истражувањето можеле да предвидат што би рекол нивниот партнер. Дури една четвртина од испитаниците покажале сериозни разлики во перцепцијата на нивната среќа како брачна двојка – забележа таа.
Повеќето од паровите кои признале дека нема да бидат помалку среќни доколку не бидат во брак или оние кои погрешно претпоставувале дека сопружникот одговарал на првото прашање, се развеле, пренесува Your Tango.
– Стапките на развод беа почести меѓу оние кои изјавија дека се понесреќни во брак отколку што би биле ако не биле во брак, како и меѓу оние парови кои ја прецениле среќата на своите партнери – објасни Стивен Стерн.