Холандски град ја доби престижната титула Европски град на годината. Има канали, велосипеди и музеј полн со слики на Ван Гог. Сепак, не се работи за Амстердам, туку за истарскиот град Амерсфорт, пишува „Метро“.
Градот лоциран југоисточно од Амстердам може да се пофали со стар градски центар со згради кои датираат од средниот век. Улицата Muurhuizen, речиси кружна, се смета за една од најубавите во целиот град, а туристите сакаат да шетаат по неа, да застануваат по продавници и да јадат во некој од рестораните.
Како и главниот град на Холандија, Амерсфорт има и каналски систем, полн со мостови, кои може да се истражат со чамец. За љубителите на уметноста: градот е дом на втората по големина колекција на слики на Ван Гог и е исто така родно место на неопластичниот уметник Пиет Мондријан, а посетителите можат да се упатат кон Mondriaanhuis, родното место на познатиот сликар.
Градот е дом и на кулата Lieve Vrouwe, која е сè што остана откако оригиналната црква беше случајно крената во воздух. Висока е само 100 метри, но доколку се искачите ќе бидете наградени со прекрасен поглед на градот.
„Амерсфорт се фокусира на благосостојбата и среќата на своите граѓани“
На Амерсфорт му беше доделена титулата Европски град на годината од Академијата за урбанистичко планирање во Лондон, која го посети градот за да ја процени неговата одржливост, урбанистичко планирање и управување. Доби и пофалби за квалитетот на животот, како и за тоа како го одржува својот карактер и наследство.
„Амерсфорт се фокусира на благосостојбата и среќата на своите граѓани, од ограничувања за автомобили до обезбедување разновидни и висококвалитетни домови по пристапни цени“, навело жирито.
Тој бил во потесниот избор за наградата заедно со шпанската Естепона и англискиот Ексетер.