Папата Франциск направи најголема ревизија на црковниот закон во последните четири децении, заострувајќи ги мерките против свештениците кои злоупотребуваат малолетни лица и прават измами.
Ревизијата, која е во тек од 2009 година и беше започната од последниот папа Бенедикт XIV, се однесува на Шестата книга од Законот за канонското право, која се состои од 1750 члена. Ова е најголемата ревизија на казнениот законик од неговото потпишување во 1983 година од папата Јован Павле Втори.
Папата ги потсети владиците дека тие се одговорни за почитување на законот и дека целта на амандманот е „да се намали бројот на случаи во кои пресудата е оставена на дискреција на властите“.
Сексуалната злоупотреба на малолетни лица е класифицирана во новиот дел „Прекршоци против човечки живот, достоинство и слобода“ наместо во претходните „Злосторства против посебни должности“.
Во овој дел од законикот се воведени нови злосторства како што се детска порнографија и целење малолетни лица и ранливи возрасни лица за сексуално злоставување.