На 13 Март официјално започнува пролетниот дел од пинг понгарската сезона во сите категории на натпреварувања организирани од пинг понгарската федерација на Македонија.
Во Крива Паланка во сабота на 13 март ќе се одиграат одложените финални натпревари од јуниорската лига од есенскиот дел.
Сениорите својот старт го имаат на 14 Март. Супер лигашите во СЦ Борис Трајковски ќе ги одиграат натпреварите од првото пролетно коло десетто по ред во шампионатот. Исто така на 14 Март продолжуваат натпреварите и од останатите категории во сениорска конкуренција.
Во пролетниот дел речиси да нема слободен викенд во пинг понгарскиот календар на натпревари така што ќе се одиграат и сите рангирни турнири од мастерс серијата кои беа одложени во есенскиот дел поради ковид кризата.
Крајот на сезоната 2020/21 предвиден на 26 Јуни кога ќе се одиграат финалните натпревари од Јуниорската лига од пролетниот дел.