Премиерот на Хрватска Андреј Пленковиќ се обрати по состанокот на врвот на Хрватската демократска заедница (ХДЗ).
На почетокот рече дека се задоволни бидејќи нашле нов министер и обезбедиле пакет мерки за помош на граѓаните, пренесува „Index.hr“.
„Имаше голема бегалска криза, таа ќе расте. 2,7 милиони Украинци веќе ги напуштија своите домови. До денес, 6.300 Украинци дојдоа во Хрватска“, рече Пленковиќ.
Тој додаде дека околу 40 отсто од пристигнатите бегалци се деца.
„Разговаравме и за најсериозниот проблем, падот на дрон или ракета. Денеска одржавме состанок со сите надлежни органи“, рече тој.
„Точно, имаше бомба на дронот. Имаше експлозив“, рече тој.
Пленковиќ додава дека недостасуваат голем број важни информации.
„Засега не се знае кој, зошто и како ја испратил бомбата. Французите изразија подготвеност да ни помогнат“, рече Пленковиќ.
„Утре ќе го потсетам тој француски носач на авиони што е во Јадранското Море, во близина на Дубровник. Разговараме и со САД да видиме како можат да ни помогнат“, рече тој.
Пленковиќ додаде дека и Министерството за одбрана ќе даде свој план како да се зајакне одбраната.