Системите за противвоздушна одбрана на Нагорно-Карабах собориле неколку авиони на азербејџанската авијација и ја уништиле нивната воена опрема, напиша на својот профил на Фејсбук, портпаролката на Министерството за одбрана на Ерменија, Шушан Степанјан.
Во последните 24 часа биле соборени најмалку два беспилотни летала, како и еден авион.
„Во тек се борби во различни насоки на фронтот, уништени се воениот персонал и оружјето на непријателот, особено тенковите“, истакнала Степанјан.
Една од снимките го покажува нападот на азербејџанските беспилотни летала, но тие не успеале да избегаат од ерменската противвоздушна одбрана.
NAGORNO KARABAKH: Footage of what appears to be an An-2 aircraft of the Azerbaijani air force shot down over the front. pic.twitter.com/ZxdmoVrQFH
— Conflict News (@Conflicts) October 1, 2020
Во интервју за францускиот весник Фигаро, Пашинјан ја обвини Турција дека ја поддржала азербејџанската војска со борбени авиони, дронови и друга воена опрема.
„Постојат докази дека турски воени команданти се директно вмешани во водењето на офанзивите“, изјави ерменскиот премиер во денес објавеното интервју.
Според него, турските сили користат беспилотни летала и авиони Ф-16 во бомбардирањето на цивилните зони во Нагорно Карабах.
„Знаеме дека Турција обучила и превезла илјадници платеници и терористи од областите кои ги окупира на северот на Сирија“, кажа Пашинјан.
Претходно, руското Министерство за надворешни работи соопшти дека Москва е загрижена поради информациите за преместување на милитанти од илегални вооружени групи, особено од Сирија и Либија, во Нагорно Карабах.