Кревачот на тегови од УГАНДА, Џулиус Секитолеко беше пронајден во Јапонија откако избега во потрага по подобар живот, бидејќи му беше кажано дека нема да може да се натпреварува на Олимписките игри.
Секитолеко работеше цел живот за да добие шанса на Олимписките игри, но кратко време по пристигнувањето во Јапонија ја доби кошмарната вест дека нема да може да се натпреварува во кревање на тегови.
Ugandan weightlifter Julius Ssekitoleko, who went missing in Japan a head of 2020 Tokyo Games has been found in Yokkaichi city, Western Japan. pic.twitter.com/3eHYtQy78S
— Fred.N.Nshemereirwe posts 🔁 (@FredNamanya1) July 20, 2021
Затоа тој реши да избега од кампот во Уганда за Олимписките игри и да замине во еден од јапонските градови, со цел да започне нов (подобар) живот таму. Сепак, јапонската полиција успеа да го најде само четири дена откако избега.
„Пронајден е без повреди и без никакви сомненија дека учествувал во незаконски активности. Со себе носел идентификација и се легитимирал. Во моментов не знаеме на кого да го вратиме, дали во репрезентацијата на Уганда или овдешната амбасадата“, изјавил претставникот на полицијата во Осака, а пренесе„ АФП“.
Секитолеко побегна од градот Изумисано во Осака, Нагоја, а потоа се упати кон областа Гифу, од каде замина во областа Миа. Пронајден е на 170 километри источно од почетната точка.
Министерството за надворешни работи на Уганда ѝ се извини на јапонската влада.
„Она што тој го стори беше неприфатливо, тој нè предаде“, рече министерот за надворешни работи на Уганда, Хенри Орием Окело.
20-годишниот кревач на тегови неодамна освои бронзен медал на Африканското првенство во кревање тегови.
„Тој беше пронајден во куќа што припаѓа на луѓе кои претходно биле во контакт со него. Не се спротивстави, беше искрен. Сè уште ги истражуваме неговите точни мотиви“, соопшти полицијата.
Јапонските лидери изразија загриженост по бегството на Секитолек затоа што тој избегал пред да биде тестиран за вирусот корона, со оглед на тоа што пандемијата не стивнува во земјата каде што се одржуваат Олимписките игри.
A Ugandan athlete who is in Japan for Tokyo Olympics has gone missing, leaving a note saying he wants to work in Japan.
Julius Ssekitoleko, a 20-year-old weightlifter went missing from his pre-Olympic training camp in Osaka Prefecture on Friday, July 16 pic.twitter.com/w0Iw5qtdoP
— Instablog9ja (@instablog9ja) July 18, 2021