Рецепт за џем од јагоди без шеќер кој е готов за половина час

Сезона е за јагоди, а освен свежо, ова омилено овошје на многумина е неодоливо и како џем.

Постои рецепт за домашен џем од јагоди без шеќер, кој е толку лесен за правење што дури и почетник готвач може да го направи за помалку од половина час.

Состојки:

1 кг јагоди

2 лажици мед

малку сок од лимон или рендана кора

Во овој џем можете да додадете и чиа семиња.

Подготовка:

Јагодите исечкајте ги на мали парчиња, додадете сок или кора од лимон и варете околу 20 минути. На самиот крај, кога смесата е веќе изедначена и густа, додавате мед.

Чувајте го во фрижидер, така може да потрае и до еден месец.