Претседателот на ИНТЕГРА, Љупчо Ристовски смета дека одржување референдум во оваа фаза за францускиот предло-преговарачка рамка нема никаква логика.
-Пост-фестум референдум нема основна логика и во политичка теорија. Што би се случило со референдумот? Тоа може и без него. Ние истиот модел го поминавме. Им понудивме на ВМРО-ДПМНЕ и Левица ајде да направиме анти-владин фронт на 30-ти ноември 2020 година за соборување на Владата, но дека првата одлука во Собрание ќе биде паѓање на Преспанскиот договор. Одговорот што го добив е дека имаат уплав од длабоката држава. Оттука референдумот е само за замајување. Оддржувате кондиција дека вие сте на македонскиот интерес и дека одлуката е во народот. Ако народот не ви даде сила, никому ништо, продолжувате понатаму, рече Ристовски во емисијата „Само вистина“.