Артур Лабињо Хјуз, шестгодишно момче од Вест Мидлендс, Англија, почина во јуни оваа година по повеќемесечно малтретирање од страна на неговиот татко Томас Хјуз и неговата девојка Ема Тастин. Половина година подоцна биле прогласени за виновни за мачење и брутално убиство на момчето, а истрагата утврдила и дека социјалната служба не презела ништо за да ја спречи злоупотребата на детето.
Артур бил физички малтретиран, отруен и изгладнет. Кога починал, имал повеќе од 130 повреди на телото. Секојдневното мачење вклучувало труење со сол, стоење 12 или 14 часа и чести тепања.
Неодамна во јавноста протекоа снимки неколку часа пред смртта на момчето. На него се гледа како момчето плаче и вели дека никој не го сака и не го храни. Колку била тешка состојбата на детето покажува и фактот што сам не можел да го помести јорганот кој само го влечел по подот.
Gut wrenching. This poor boy was completely let down by the whole system and left in the hands of monsters. Rest in peace Arthur 👼#arthurlabinjohughes https://t.co/xMWG57AzWn
— Jenny Ramsay (@JennyRamsay86) December 3, 2021
Социјалните работници последен пат ја посетиле куќата на Томас Хјуз два месеци пред убиството на момчето, а во извештајот напишале дека се е во ред со нив и дека момчето имало среќно детство.
Ема, маќеата од пеколот која го убила момчето, има четири деца.
Еден од татковците на нејзините деца изјавил дека таа е жена без емоции и мајчински инстинкт, која ги малтретира сите околу себе.
-Сакаше деца само поради детскиот додаток, никогаш не обрнуваше внимание на децата, изјави тој за Дејли Мејл.
-Социјалните служби имаат крв на рацете. Да ги слушаа нашите предупредувања, момчето сè уште ќе беше живо. За жал, на маж никогаш не му се верува, рече тој.
Со ова се согласуваат и судиите, но тоа сигурно нема да го врати во живот малиот Артур, кој почина на 17 јуни годинава на одделот за интензивна нега на детската болница во Бирмингем.
Судот верува дека Артур починал откако Ема во напад на бес го удрила по главата, а тој паднал на цврста површина. Таа потоа цело време го гледала момчето како страда и го снимала, а потоа тие снимки му ги испратила на татко му, кој во тоа време бил на работа.
Таткото на момчето, Томас, кој признал дека неколку пати го притискал момчето по вратот за да го дисциплинира, се сомнева дека Ема била соучесник и дека ја поддржувал и помагал својата девојка. Тоа го потврдуваат и пораките кои парот ги разменувал, а во кои таа му се жали дека не го поднесува плачот на Артур, а таткото на момчето пишува дека детето ќе биде готово кога ќе се врати од работа.
Фото: WMP / SWNS / SWNS / Profimedia