Руската православна црква изрази жалење денес што турскиот суд не ги зел предвид нејзините грижи кога пресуди дека одлуката да се направи Aја Софија музеј е нелегална.
Таа изјави дека одлуката може да доведе до уште поголеми поделби, јавуваат руските медиуми.
Највисокиот турски управен суд донесе пресуда денес дека и дозволува на владата да ја претвори истанбулската „Аја Софија“, поранешна византиска православна базилика што стана џамија по падот на Цариград во 1453 година под османлиска власт, а која сега е музеј. Сега повторно таа станува верски објект во кој ќе се врши богослужба, објави АП.
Државниот совет на Турција ја поништи одлуката на владата на секуларната турска влада на Кемал-паша Ататурк од 1934 година да ја претвори Аја Софија во музеј.