Рускиот институт „Гамалеа“, кој ја разви вакцината против коронавирус „Спутник V“, соопшти денеска дека заштитува од „сите познати соеви (варијанти)“ на вирусот, вклучувајќи ја и делта варијантата на коронавирусот одговорен за скокот на епидемијата на ковид 19 во таа земја.
Главниот град Москва и околината, како и вториот по големина град во земјата, Санкт Петербург, се особено погодени од новиот бран на инфекции и се бележат рекордни бројки на заразени, додека програмата за вакцинација е во сила. Денес, московскиот регион забележа најголем дневен скок на бројот на заразени лица од почетокот на пандемијата.
Во последните 24 часа во Русија се регистрирани 17.378 нови случаи на инфекција со коронавирус, а само во Москва се регистрирани 7.584 нови случаи на инфекција. На крајот на неделата, бројот на дневни нови инфекции надмина 9.000.