223
Градоначалникот на Мариупол, Вадим Бојченко, изјави дека борбите стигнале до самиот центар на градот, што го потврдуваат претходните руски извештаи, пишува Би-би-си.
„Да, тие се навистина активни денес. Борбата со тенкови и митралези продолжува. Сите се кријат во бункери“, рече градоначалникот.
Тој додаде дека повеќе од 80 отсто од станбените згради се уништени или срамнети со земја, а околу 30 отсто од нив не може ни да се обноват.
„Центарот на градот повеќе не постои. Веќе нема парче простор во градот каде војната не е видлива“, рече тој. Исто така, луѓето се извлекуваат од подрумот на бомбардираниот театар, но се уште не е познат бројот на жртвите и преживеаните.